Desconvocada a folga en Ecourense malia o rexeitamento da asemblea de traballadores

A maioría do comité de empresa de Ecourense decidiu desconvocar a folga indefinida, a pesar do mandato da asemblea de traballadores que se opuxo á última proposta do Concello e da empresa. A CIG considera que este acordo, alcanzado entre o Concello, a empresa e outros sindicatos, é unha “traizón” e un “acordo trampa”, xa que só garante un incremento salarial para 2024. O persoal, que maioritariamente apoiou a folga, teme que este acordo leve a que non se respecte o convenio colectivo e que teñan que reiniciar as negociacións.