Entra en vigor o novo permiso por nacemento e coidado: máis semanas, tamén para familias monomarentais, pero non cumpre a Directiva Europea

Dende hoxe, 31 de xullo de 2025, entra en vigor o Real Decreto-lei 9/2025, que amplía os permisos por nacemento e coidado da crianza en todo o Estado con algunhas excepcións temp

orais.

✅ Máis semanas de coidado: principais novidades

O novo decreto supón a ampliación do permiso retribuído por nacemento e coidado dunha persoa menor das actuais 16 semanas a 19 semanas:

• 6 semanas obrigatorias inmediatamente despois do parto, a xornada completa.
• 11 semanas adicionais, que se poderán gozar de maneira flexible ata que a crianza cumpra 12 meses.
• 2 semanas máis, tamén retribuídas, que poderán usarse en calquera momento ata que a crianza cumpra 8 anos.

Estas 19 semanas serán aplicables a cada proxenitor, sempre que ambos participen activamente no coidado.

👩‍👧 Especial atención ás familias monomarentais

No caso das familias monomarentais (ou monoparentais), o permiso amplíase ata 32 semanas, distribuídas do seguinte xeito:

• 6 semanas obrigatorias tras o parto.
• 22 semanas flexibles ata os 12 meses.
• 4 semanas adicionais, tamén retribuídas, ata que a crianza cumpra 8 anos.

Este recoñecemento supón un avance para garantir o coidado das crianzas en fogares nos que só hai unha persoa proxenitora.

🕰 Entrada en vigor e retroactividade

A norma foi publicada no BOE o 30 de xullo e entrou en vigor o 31 de xullo de 2025.

Porén, a disposición transitoria primeira do decreto recolle un efecto retroactivo parcial:
as 2 semanas adicionais retribuídas ata os 8 anos (ou 4 no caso monomarental) tamén poderán ser solicitadas para crianzas nadas a partir do 2 de agosto de 2024.

💡 Importante: aínda que a norma xa está en vigor, estas semanas retroactivas non poderán solicitarse ata o 1 de xaneiro de 2026.

🚸 Permiso parental: sen cambios, segue sen ser retribuído

O Real Decreto-lei non modifica o permiso parental de 8 semanas regulado no artigo 48.bis do Estatuto dos Traballadores, que segue sendo non retribuído. Este permiso pode gozarse ata que a crianza cumpra 8 anos, pero sen compensación económica. Dende sindicatos e colectivos como a CIG, insístese na necesidade de seguir recorrendo xudicialmente para que se recoñeza a súa retribución e se xere xurisprudencia ao respecto.

📅 Resumo práctico